Moti në vendin tonë vijon të jetë i paqëndrueshëm dhe me reshje shiu. Nëse keni bërë plane për fundjavën mendohuni mirë, pasi sipas parashikimit të sinoptikanëve moti i paqëndrueshëm dhe me reshje do vijojë edhe për ditët në vazhdim. Sipas Institutit të Gjeoshkencave, Energjisë, Ujit dhe Mjedisit (IGJEUM) gjatë ditës së nesërme priten reshje të dobëta në të gjithë vendin.
RESHJET
Sot pasdite (e premte, dt.18) priten reshje të dobëta në të gjithë vendin. Nesër (e shtunë, dt.19) pritet që në orët e paradites të ketë reshje të dobëta në të gjithë vendin (siç tregohet në tabelë, respektivisht për secilin qark).
TEMPERATURAT
Nesër (e shtunë, dt.19) temperaturat minimale dhe maksimale të ajrit pritet të arrijnë:
në bregdet: 15 / 26 °C
në vendet e ulëta: 14 / 25 °C
në vendet malore: 10 / 22 °C
ERA
Sot pasdite (e premte, dt.18) dhe nesër (e shtunë, dt.19) era pritet të fryjë e lehtë deri mesatare në bregdet.
