Fatmir Hysenbelliu është një prej personazheve më të njohur e më të komentuar në media. Jeta e tij luksoze dhe postimet e shumta në Instagram nuk kalojnë pa marrë vëmendjen e ndjekësve dhe Fatmiri mund të thuhet me plot bindje se është beqari më i lakmuar në Shqipëri nga femrat.
Së fundmi, ai ka ndarë në profilin e tij një foto gjatë një evenimenti të rëndësishëm në Miami. Mirëpo siç e shohim, një fanse është tallur me pozën e biznesmenit. Ajo ka etiketuar shoqen e saj dhe në koment ka shkruar
“Kur mami të merr me zor në dasëm, dhe ti nuk e di më çfarë është jeta.”
Mesa duket ky koment nuk i ka pëlqyer aspak Fatmirit, i cili i ka replikuar:
“Kur je tek një nga eventet më të rëndësishme të vitit, me persona të rëndësishëm i gjitha fushave në botë dhe mqs Instagram është free, dhe njeriu që nuk e njeh as komshiu të komenton.”
Fansja i është pëgjigjur duke i korrigjuar atij gabimet në shkrim dhe i ka thënë të qetësohet, pasi fama nuk është gjithçka. Siç e shohim, Fatmiri nuk ka duruar dot dhe i është kthyer fanses duke i thënë se kur njerëzit s’kanë ç’të bëjnë, merren me tjetrin.
