“Përgjimin ndaj vëllait të Ministrit të Brendshëm Fatmir Xhafaj e ka bërë një gazetar investigativ”.
Deklarata e fortë është bërë nga deputeti i PD-së Enkelejd Alibeaj i ftuar në emisionin “Të paekspozuarit”.
Deputeti demokrat ka treguar detaje të reja lidhur me audio-përgjimin, dhe dëshmitarin Albert Veliu që pretendon se ka folur me Agron Xhafajn për të kryer një rrugë të trafikut të drogës. Alibeaj pranon se përgjimi nuk është bërë nga Albert Veliu, por nga një gazetar.
“Përgjimet janë bërë nga gazetarët. Falë zotit në këtë vend ka edhe gazetarë trima”, deklaroi ai
