Maradona bëhet trajner i ekipit të panjohur

Diego Armando Maradona i ka dhënë fund eksperiencës së tij si trajner i Al Fujairah në Emiratet e Bashkuara Arabe, për të ardhur tashmë në Europë.

“El Pibe D’oro” do të stërvitë klubin bjellorus të Dinamos së Brestit, marrëveshje të cilën e ka arritur para pak orësh.

Por nuk mbaron me kaq, pasi në Bjellorusi Maradona nuk do të bëjë vetëm trajnerin.

Klubi i ka besuar atij edhe rolin e zëvendëspresidentit të skuadrës, duke i garantuar plotfuqishmëri në drejtimin e skuadrës.

Dinamo Brest militon në ligën kryesore bjelloruse dhe po investon fuqishëm për të synuar titullin kampion, por edhe ecuri në kompeticionet europiane.

PËRGJIGJU

Please enter your comment!
Please enter your name here