Në mes të Tiranës më pak se 100 metra larg nga Gjykata e rrethit, Kryeinspektorja Dallandyshe Bici ka shembur një shtëpi në katin e fundit të një pallati edhe pse pronarët zotërojnë ccertifikatë pronësie. Skandali është denoncuar sot nga emisioni investigativ Ajsberg. Shtëpia ka qënë e një ccifti ku bashkshorti është një shtetas gjerman një arkitekt shumë i njohur në Mynih të Gjermanisë.
Helmut Kok është një arkitekt gjerman nga Mynihu i cili është i martuar me shqiptaren Stela Kalavace dhe ka vendosur të vijë të investojë në Shqipëri si një profesionist i fushës. Me siguri ai ka dëgjuar thirrjen e Kryeministrit Rama për thithjen e sa më shumë investimeve të huaja në Shqipëri.
Në emergjencë të plotë IKMT dhe inspektorët e saj zbarkuan në këtë pallat dhe rrafshuan të gjithë pronën e shtetasit gjerman Helmut Kok.
Historia kishte nisur rreth dy muaj më parë kur inspektorët e IKMT kishin shkuar në këtë shtëpi dhe kishin mbajtur një procesverbal për tejkalim punimesh dhe kishin vendosur një gjobë prej 5 milion lekësh të vjetra.
Helmut Kok dhe bashkshortja e tij zotëronin këtë shtëpi me certifikatë pronësie nëpërmjet kësaj kontrate shitblerjeje. Në muajin shtator ata I ishin drejtuar bashkisë së Tiranës për tu pajisur me leje për rikonstruksionin e brendshëm të banesës së tyre. Siç edhe deklarojnë ata vetë por që e tregon edhe ky dokument ata janë pajisur me lejen përkatëse dhe kanë vazhduar punimet Konform ligjeve në fuqi.
Në këto kushte IKMT në shkelje të plotë të ligjit shkoi dhe inspektoi punimet në këtë godinë. Sipas ligjit organik që vepron IKMT këtë kompentencë Brenda vijës së verdhë e ka vetëm inspektoriati vendor I bashkisë së Tiranës. Ndërkaq ky Inspektoriat I bashkisë së Tiranës e ka kryer inspektimin e vet dhe e ka gjetur lejen dhe volumin e punimeve në përputhje të plotë me njëra tjetrën.
Inspektorët e IKMT kanë mbajtur një procesverbal për tejkalim punimesh dhe njëkohësisht e kanë gjobitur subjektin, pra shtetasin gjerman Helmut Kok dhe bashkshorten e tij me 5 milion lekë të vjetra. Bashkshortët I janë drejtuar gjykatës për të dyja këto pretendime të IKMT. Pas disa seancash gjyqësore dhe një ekspertize të kërkuar nga gjykata, trupi gjykues kishte paralajmëruar shpalljen e vendimit në datën 4 dhjetor 2017.
Por vetëm 5 ditë më parë në një fundjavë ku Shqipëria fuste uj gjithandej, IKMT së bashku me policinë e shtetit shkuan dhe hynë forcërisht në një banesë private duke shkelur çdo ligj, normë juridike dhe kushtetutën e vendit.
Pra Policia e shtetit ka patur të depozituar edhe lejen e restaurimit si edhe deklarimin verbal nëpërmjet telefonit të zonjës Stela Kalavace se në shtëpi nuk ndodhej askush, dhe smund të mësynin në një pronë private.
Ata i bënë një kallzim penal IKMT dhe policisë së shtetit që hyri forcërisht në banesën e tyre. Por prokurori i çështje Endri Bimi e mbylli çështjen duke mos gjetur asnjë elementë të veprës penale. Në këto kushte ata ju drejtuan Gjykatës e cila i ka lënë një sërë detyrash prokurorit për të hetuar. Gjykata e gjeti të pamjaftueshëm arsyetimin e prokurorit Endri Bimi se kjo është një çështje administrative dhe jo penale. Nuk kuptohet se përse nuk quhet çështje penale kur një zyrtar në mënyrë arbitrare vendos të shemb banesën e qytetarëve edhe pse ata posedojnë një çertifikatë pronësie për këtë banesë. Gjithashtu si mund të justifikohet veprimi i Policisë së shtetit për të shqyer derën dhe për të hyrë forcërisht në një banesë private jo në kushtet e flagrancës dhe pa një vendim gjykate në dorë. Kjo çështje i mbetet gjykatës për të matur më tej ligjshmërinë e akteve të institucioneve shtetërore. Ne mund të themi se në mënyrë banditeske dhe antiligjore, IKMT dhe policia e shtetit shqyn derën dhe hynë brenda për të sharruar gjithçka, ata nuk mbajtën asnjë procesverbal që ta dorëzonin në moment, dhe nuk lejuan as avokatin e familjes të ishte I pranishëm në këtë aksion antiligjor.
Çifti Kok dhe Kalavace kishin ardhur në Shqipëri përveçse si posedues të kësaj prone edhe për të investuar biznesin e tyre. Tanimë ata duken të penduar dhe shumë të zgënjyer për veprimin e tyre. Duket se ata I kanë besuar thirrjejes së Kryeministrit Rama për të investuar në Shqipëri.
E zhgënjyer dhe e fyer në dinjitetin e saj si shqiptare zonja Kalavace tregon se cfarë ndien ajo pas kësaj eksperience në Shqipëri. AJo shprehet se tashmë i vjne turp që është shqiptare dhe nuk ka më ndërmend tu flas për Shqipërinë miqve të saj perëndimor.
