Ishte java e parafundit e La Liga-s dhe Barcelona po shkonte drejt një rekordi, pasi deri mbrëmjen e së dielës nuk kishte pësuar asnjë humbje, por transferua e Levantes rezultoi disfata e parë për skuadrën e Ernesto Valverde.
Ajo që ra më shumë në sy në këtë ndeshje ishte mungesa e argjentinasit Lionel Messi. Ndoshta prania e tij do të kishte shmangur edhe humbjen. Ylli argjentinas nuk kishte asnjë dëmtim, madje gëzon një formë të shkëlqyer, por arsyeja ishte diçka tjetër. Një ndeshje miqësore që Barcelona do të luajë të mërkurën kundër skuadrës së kampionatit të Afrikës së Jugut, Mamelodi Sundowns. Ndeshja në fjalë do të zhvillohet në Johannesburg, për nder të 100-vjetorit të lindjes së Nelson Mandela-s, presidentit historik të vendit afrikan, ky duket se është shkaku.
Ndoshta mungesa në ndeshjen ndaj Levantes mund të ndikojë edhe te ecuria për Topin e Artë në Europë, pasi Messi është në barazim me 34 gola me egjiptianin Salah. Megjithatë, argjentinasi do të ketë mundësi të luajë edhe një ndeshje në La Liga dhe nëse do të shënojë do të ishte ai fituesi i këtij trofeu evropian.
