VIDEO-FOTO/ Ja kush janë shqiptarët, padronët e kokainës në Spanjë

Gazeta më e madhe në Spanjë ‘El Pais’, i ka kushtuar një artikull të gjatë trafikut të drogës në këtë vend.

Sigurisht që nuk kishin si të mungonin shqiptarët, të cilët janë vënë në vëmendjen e gazetarëve, sidomos pas kapjes së 1.2 ton kokainë e 1.5 milionë euro, dy kokave shqiptare të trafikut nga Kolumbia.

Në këtë aksion u arrestuan 5 persona, ndërsa grupi drejtohej nga dy shqiptarë, Arjan Ndoci dhe Julian Deblini.

Sipas mediave spanjolle, shumica e kokainës hyn në Spanjë e fshehur në kontejnerë përmes pesë porteve, me qytetin e Cádizit në krye. Porti i qytetit të Cadiz, ndiqet nga ata të Valencias, Barcelonës, Bilbaos dhe Vigos.

Kokaina në Kolumbi blihet me çmimin që varion nga 1,260 deri në 1,680 euro me cilësi 85%, ndërsa pas trafikut në Europë shitet shumëfish më shtrenjtë.

Grupet kriminale lindore kanë fituar terren kundër klaneve spanjolle përsa i përket futjes së drogës nga portet e tyre.

Sipas raporteve të policisë spanjolle, trafiku sot është në duar të shqiptarëve, polakëve, bullgarëve apo marokenëve që kanë vendosur pjesë të strukturës së tyre në Spanjë. Syri.net

PËRGJIGJU

Please enter your comment!
Please enter your name here