Mbrëmjen e kësaj të diele janë dëgjuar të shtëna me armë zjarri në zonën e Selites në Tiranë. Nga dëshmitë e para të personave në vendngjarje u tha se dyshohej se ka një person të plagosur, Por deri më tani policia është ende në dilemë. Disa dëshmitarë shprehen se dy persona janë konfliktuar dhe kishte të shtëna me armë. Dyshohet se ka mbetur një i ri i plagosur dhe ka mundur që të largohet.
Burime nga policia bëjnë me dije se ka pasur një konflik në një lokal në këtë zonë dhe ka pasur të shtëna me armë zjarri, por deri më tani nuk janë identifikuar të plagosur, ndërkohë po bëhet verifikimi në spitale, ndërsa një nga autorët që është përfshirë në konflik është arrestuar.
