Deputeti i PD-së, Enkeled Alibeaj, në një konferencë për mediat, ka deklaruar se Ministri i Brendshëm Fatmir Xhafaj, ka gënjyer kur u tha shqiptarëve se vëllai i tij Agroni e ka shlyer gabimin për të cilin është dënuar në Itali.
Alibeaj tha se, Agron Xhafa nuk ka bërë asnjë ditë burg për dënimin prej 7 vitesh që i është dhënë nga drejtësia italiane, i dënuar për trafik droge.
Ministri Fatmir Xhafaj ka gënjyer, Agron Xhafaj nuk ka bërë asnjë ditë burg për dënimin e dhënë nga gjykata italiane, i dënuar për trafik droge.
‘Fatmir Xhafaj e ka ndihmuar Agron Xhafajn ti shpëtojë drejtësisë. Shqiptarët u burgosën se nuk paguanin dot energjinë, apo kuksianët u burgosën për traun e Ramës.
Ndërkohë që Agron Xhafaj nuk burgoset dhe lëviz i lirë edhe pse i dënuar për trafik droge, kjo sepse ai është i vëllai i ministrit.
Është e qartë për këdo që për sa kohë që Fatmir Xhafa të jetë ministër, Agron Xhafaj do të lëvizë i lirë. Burgu është për shqiptarët e thjeshtë dhe jo për kriminelët. Pse nuk ekzekutohet vendimi për dënimin e Agron Xhafajt? Pse nuk vepron ligji mbi Agron Xhafajn? Fatmir Xhafaj hesht dhe nuk flet dot, sepse nëse flet atëherë ai do të pranonte se ka ndihmuar të vëllain ti shpëtojë drejtësisë’, tha Alibeaj.
