Do të ishte muaji gusht 2015, kur gazeta Dita në pronësi të djemve të Arta Dades, e afërt me Edi Ramën do të bënte një sulm të ashpër ndaj Tahirit.
Ai ishte ministri i Brendshëm në kohën e sulmit e kjo u mor si përplasje brenda llojit. Por në fakt gazeta Dita ishte e para që zbuloi takimin Tahiri-Habilaj në Greqi. Tahiri shkoi me pushime në Korfuz në një prej hoteleve më të shtrenjta të Greqisë ku një dhomë kushtonte deri në 3 mijë euro nata. E siç duket nga zbulimet e tanishme, ato pushime duket se ishin të paguara nga kushërinjtë Habilaj, ndërsa në këtë hotel është bërë edhe takimi mes tyre.
Kjo është prova e ardhur nga Greqia kundër ish-ministrit të Ramës për të cilin Prokuroria e Krimeve të Rënda kërkoi ‘arrest me burg’, por gjykata dha vetëm ‘arrest shtëpie’.
