Sekuestrohet një sasi prej 15 kg drogë në pikën kufitare të Muriqanit në Shkodër.
Nga kontrolli i policisë në pranga përfundon, Genc Nikshiqi 37 vjeç banues në lagjen“Kongresi i Përmetit” në qytetin verior, drejtuesi i mjetit tip furgon ku u kap droga.
“Arrestimi i tij u bë pasi në PKK Muriqan, në dalje nga territori i R. Sh. me mjetin tip Benz Furgon, me targa AA591RT, nga kontrolli i ushtruar këtij mjeti janë gjetur dhe sekuestruar në cilësinë e provës materiale 24 pako lëndë narkotike Cannabis Sativa, ku pas peshimit rezultoi me peshë 15.5 kilogram”, sqaron policia.
Materialet i kaluan Prokurorisë pranë Gjykatës së Shkallës Parë Shkodër, për veprën penale “Trafikim i lëndëve narkotike, e mbetur në tentativë”.