Marvi Mihali, studenti i Juridikut humbi jetën pak para mesnatës së 1 gushtit 2017 pasi u qëllua me thikë në zemër në një rrugicë pranë stadiumit “Selman Stërmasi” në kryeqytet. I gjithë sherri ka ndodhur për një karikues telefoni.
Kur po mbushet 1 vit nga ngjarja e rëndë, Mira Mihali, mamaja e Marvit ka rrëqethur me një status në rrjetin social “Facebook”.
I gjithë ky mllef ka ardhur kur ka mësuar se gjykata e Tiranës me kërkesë të prokurorit të çështjes ka vendosur të zëvendësojë masën e sigurisë për tre të rinjtë, duke liruar kështu Dejvi Bitrajn, Kridens Allën dhe Marsel Allën. Ndërkohë mësohet se në qeli po qëndron vetëm Eugen Bitraj, që e ka qëlluar me thikë për vdekje të riun.
Mira Mihali shkruan se është një ditë e zëzë për të, ndërsa shton se Marvin ia vranë përsëri.
Postimi i i plotë i Mira Mihalit
“Sot është një ditë e zezë për mua! Marvin tim ma vranë përsëri!. Tre nga kriminelët që bashkëpunuan në vrasje dhe dhunuan trupin e tij, në momentet e fundit ndërsa djali jepte shpirt, prokurori monstër, vampire, demoni, sharlatani, maskarai Artan Lulaj i etur për para, i kishte liruar nga burgu pa e ditur askush!O zot çfarë tmerri!Të shikosh vrasësit e birit të vetëm pa akuzë, të lirë në sallën e gjyqit dhe tek i shihja më dilte parasysh video e ngjarjes, shkelmat e tyre mbi trupin e djalit tim! Sa më e madhe se kaq duhet të jetë dhimbja? Dhe çfarë torturash të tjera duhet të kaloj!Më thoni o njerëz, çfarë duhet të bëj në këtë vend?Si do ta vendos drejtësinë?Ju lutem më ndihmoni…
