Komitetit Shqiptar të Helsinkit ka monitoruar ditën e djeshme komisariatin e Dibërë. Nga ky kontroll ata shprehen se konstatuan se ambientet ishin të amoritzuara dhe lagëhtirë.
Gjithashtu nga verifikimet e bëra prej tyre, kushtet ku mbaheshin të shoqëruarit apo të arrestuarit pothuajse nuk ekzistonin fare, dyshekët ishin të grisur dhe të papastër, çarçafë nuk kishte fare, ndërsa gjithashtu dhe batanijet ishin të grisura.
Sipas Komitetit Shqiptar të Helsinkit, vendosja e të arrestuarve, ndaluarve dhe të shoqëruarve në dhoma të tilla është krejtësisht e palejueshme dhe e shoqëruar me elemente të trajtimit çnjerëzor, pavarësisht se numri i tyre mund të jetë relativisht pak.
KSHT i bën thirrje Drejtorisë së Përgjithshme të Policisë së Shtetit për të ndërhyrë urgjentisht për të vendosur kushtet e përshtatshme në komisariatin e Dibrës.
Postimi i plotë
GJENDJE TEPËR E RËNDË NË KOMISARIATIN DIBËR
Dje në datën 8 Maj 2018 një grup i Komitetit Shqiptar të Helsinkit ushtroi një monitorim ne komisariatin e policisë Dibër për të konstatuar në vend respektimin e lirive dhe të drejtave të personave të arrestuar, ndaluar dhe të shoqëruar. Në fakt nuk u gjet asnjë prej tyre.
Por me këtë rast u verifikuan ambientet (dhomat) ku mbaheshit ë arrestuarit, ndaluarit dhe të shoqëruarit. Kishte gjithsej 7 dhoma sigurie, krejtësisht të papërshtatshme, lagështirë të theksuar dhe me erë të rëndë myku, tualetet me kushte higjienike krejtësisht të mjerueshme. Dhomat ishin me kubaturë tepër të vogël (120 x 320) pa asnjë kusht. Dyshekët ishin mbyllur në një dhomë shndërruar në depo. U konstatua se ato ishin të vjetruara, të grisura, të papastra. Në të njëjtën gjendje ishin edhe batanijet, ndërsa çarçafë nuk kishte fare.
Në tre dhoma (midis tyre edhe ajo e kthyer në depo) dritaret ishin tepër të vogla dhe ndriçimi natyral i pamjaftueshëm. Në këtë komisariat ishin edhe katër dhoma të tjera, përsa na u tha nuk përdoreshin prej vitesh dhe shin të mbyllura. Ishin jashtë çdo standardi dhe krejtësisht të amortizuara.
Në këto kushte KShH arrin në përfundimin se vendosja e të arrestuarve, ndaluarve dhe të shoqëruarve në dhoma të tilla është krejtësisht e palejueshme dhe e shoqëruar me elemente të trajtimit çnjerëzor, pavarësisht se numri i tyre mund të jetë relativisht pak.
KShH i sugjeron Drejtorisë së Përgjithshme të Policisë së Shtetit për të ndërhyrë urgjentisht për të ndryshuar gjendjen ekzistuese.
