Kreu i PD Lulzim Basha ka komentuar shkarkimin nga detyra të kreut të Prokurorisë për Krimet e Rënda Besim Hajdarmataj nga kryeprokurorja Arta Marku. Gjatë një deklarate për mediat, Basha tha se ‘kamikazja’ e Ramës (Arta Marku) shkarkoi kryeprokurorin, pasi kishte bërë marrëveshje me kryeminsitrin.
“Ishte bërë marrëveshje me Ramën për shkarkimin. Edi Rama do i siguronte Tahirit paprekshmërinë nga drejtësia. Rama shpalli urdhrin dje ndaj Prokurorisë kur tha se nuk ka prova për të dënuar Saimir Tahiriin. Hajdaramtaj u zëvendësua nga një kamikaze e Ramës. Shkarkimi me urdhër direkt të Ramës, vjen pak ditë pas mbërritjes së materialeve hetimore nga Greqia dhe Italia, dhe pak ditë pasi u mor në pyetje shoferi i Tahirit dhe kur do të pyetet ky i fundit. Vjen në momentin që Tahiri është pa mandat dhe mund të arrestohet. Shkarkimi vjen sot kur PD denoncoi mbështetjen e Agron Xhafajt, vëllait të ministrit të Brendshëm, që është dënuar në Itali për trafik droge. U shkarkua Hajdarmataj, pasi po mblidheshin prova të reja për Tahirin dhe Ramën”- thote Basha.
