Roberto Mancini, trajneri i Zenit Shën Peterburgut, pranoi të bëhet trajneri i ardhshëm i Italisë, që nuk do të marrë pjesë në kampionatin Botëror në Rusi, konfirmoi sot “Gazzetta dello Sport”.
Sipas së përditshmes sportive, Mancini, 53 vjeç, dha miratimin e tij dhe do të nënshkruajë, të dielën, pas përfundimit të kampionatit të Rusisë, një kontratë dyvjeçare me një pagë dy milionë euro në vit.
Zeniti është në vendin e pestë në kampionatin rus, 10 pikë larg nga Lokomotiv i Moskës, që ka siguruar titullin.
Ish-lojtari i kombëtares italiane iu bashkua klubit rus për tre vjet dhe me 4,5 milionë euro pagë në vit.
Zeniti, gjithmonë sipas “Gazzetta”, nuk dëshiron largimin e Mancinit dhe Federata italiane e Futbollit (FIGC) nuk ka qëllim ta kompensojë.
