AKU i vë drynin firmës Culiqi në Shkodër, pasi konsevonte fruta-perime dhe ambalazhonte vajin dhe prodhimet e majonezit në kushte ekstremisht të këqija.
Sipas njoftimit të AKU, gjatë inspektimit në Shkodër është konstatuar shkelja në subjektin “Culiqi”, me objekt “Përpunim, konservim, ambalazhim fruta-perime” dhe ka vendosur mbylljen e aktivitetit nën masën administrative 2.400 000 lekë gjobë në total.
Trupat inspektues e Drejtorisë Rajonale Shkodër në bashkëpunim me strukturat e Hetimit Tatimor dhe Krimit Ekonomik kanë konstatuar se ky subjekt prodhonte dhe tregtonte në kushte higjeno-sanitare të papërshtatshme dhe për këtë fakt i është dhënë dënimi administrativ me 500 000 lekë.
Kjo nuk ishte e vetmja shkelje që i është gjetur këtij subjekti nga ispektorët e AKU-së pasi i mungonte plani i vetëkontrrolit HACCP dhe për këtë është dënuar me gjobë prej 200 000 lekë, gjithashtu subjektit nuk i funksiononte sistemi i gjurmueshmërisë dhe për këtë ka marrë një tjetër dënim administrativ me 2000 000 lekë.
Subjekti “CULIQI” me numër NIPT- K56613003T dhe i liçensuar për Përpunim, konservim, ambalazhim fruta-perime kryente proçese të tjera pa liçensë si ambalazhimin e vajit të sallatës, ullirit dhe prodhimin e majonezës dhe për pasojë janë marrë sërish masa administrative prej 1000 000 lekë.
Inspektorët e AKU-së kanë gjetur në ambjentet e subjektit 20 vazo x 200gr mjaltë jashtë afateve të përdorimit dhe për hedhjen në treg të ushqimeve të pasigurta subjekti ka marrë një tjetër masë administrative me 500 000 lekë gjobë.
Nga trupat inspektuese të DRAKU-së Shkodër u morën 24 mostra për analiza në laborator dhe u bllokuan sasitë e produkteve gjendje 27144 kg deri në daljen e përgjigjeve të analizave.Për sasitë e produkteve të pasigurtë sa më sipër janë bllokuar dhe do asgjësohen.
Autoriteti Kombëtar i Ushqimit në fund theksoi se inkurajon çdo qytetar që ndeshet me ruajtjen, tregtimin, apo transportimin e ushqimeve të çdo lloji, në kushte të papërshtatshm, të informojë.
