Komisionin e Pavarur të Kualifikimit në seancën dëgjimore për vlerësimin e gjyqtarit të Gjykatës Kushtetuese, Fatmir Hoxha është shprehur se ainuk e justifikon pasurinë që zotëron.
Vetë gjyqtari nuk është i pranishëm por përfaqësohet nga avokati Julian Mertiri.
Trupa gjykuese përbëhet nga Xhensila Pine, Valbona Sanxhaktari dhe Alma Faskaj.
Gjatë shqyrtimit të pasurisë së gjyqtarit, Komisioni i Posaçëm i Kualifikimit vuri theksin se një pasuri 112 m2 në Tiranë, e cila është blerë në shumën 145 mijë euro.
Sipas këtij komisioni blerja e apartamentit nuk justifikohet, pasi për të është deklaruar marrja e një kredie si i pastrehë në vlerën 5 milionë lekë dhe mungon justifikimi i pjesës së tjetër të shumës.
Por sipas avokatit te gjyqtarit Hoxha, klienti i tij ka marre borxh 28 mije euro nga kunati i tij per blerjen e ketij apartamenti. Kete shume, avokati thote se gjyqtari e ka deklaruar ne formularin e tij te pervitshem te pasurise.
Avokati theksoi gjithashtu se gjyqtari Hoxha ka jetuar ne apartamentin e blere edhe pse nuk kishte shlyer as 1/3 e vleres. “Kjo nuk eshte shkelje ligjore, por marreveshje mes gjyqtarit dhe firmes ndërtuese”, tha mbrojtësi i gjyqtarit të Kushtetueses.
Fatmir Hoxha është diplomuar në Fakultetin e Drejtësisë së Universitetit të Tiranës në vitin 1991 dhe e ka filluar karrierën në gjyqësor në vitin 1993 si kryetar i Gjykatës së Pukës. Në vitet 1996-1998 ka ushtruar detyrën e gjyqtarit në Apelin e Tiranës, ndërsa në vitet 2003-2008 ka mbajtur pozicionin e kryetarit në Gjykatën e Apelit të Shkodrës.
Prej qershorit të vitit 2011, Hoxha ushtron detyrën si anëtar i Gjykatës Kushtetuese.
