Leganes do të përballet në ditën e sotme ndaj Levantes, në javën e 36-të të vlefshme për La Ligan. Sulmuesi i Kombëtares, Armando Sadiku, duket se është kthyer në një çështje te Levante, pasi trajneri ka zgjedhur të mos e grumbullojë për takimin e radhës me Leganes.
Arsyeja e kësaj zgjedhje janë vendimet teknike të trajnerit Lopez. Disa ditë më parë edhe tifozët e Levantes janë shprehur kundër ardhjes të Sadikut, pasi futbollisti i Kombëtares ende nuk e ka gjetur golin e parë në Spanjë që nga transferimi në merkaton e janarit.
