Gazetarja dhe poetja Genta Kaloçi po habit të gjitha rrjetet sociale me kënaqësin që ka shprehur për vdekjen e djalit të vetëm të shkrimtares Flutura Açka në moshën 18 vjeçare. Komenti i saj po bën xhiron e rrjetit duke krijuar irritim tek të gjithë, por edhe mbështetje tek simpatizantë të regjimit komunist.
Genta e shikon vdekjen e djalit si një drejtësi ndaj Fluturës dhe si diçka që ajo e ka merituar prej kohësh dhe e gjitha kjo për shkakë të bindjeve antikomuniste që ka ajo.
Por duket se mllefin nuk e ka vetëm me zonjën Açka por me të gjitha figurat publike që janë konsideruar antikomuniste.
“Përse pasardhësit e kollosit nuk i ka goditur fati me fatkeqësi natyrore”, – shprehet Kaloçi.
Komenti ka gjetur përkrahjen e shumë prej mbështetësve të ideologjisë komuniste, të cilët janë shprehur gjithashtu me gjuhë urrejtje ndaj znj. Açka dhe atyre që mbrojnë atë. Por nga ana tjetër kjo ka indinjuar një mori qytetarësh të cilët i shikojnë këto komente si kafshëri.
Ja sesi debaton një qytetare me znj. Kaloçi:
“Nje nene humbet te birin dhe ju qeshni? Po kush jeni ju, Zoti? Zoti ju dhente mend! Nuk njoh personalisht as zonjen ne fjale, as ju jo e jo, por kundrejt nje prindi qe humb femijen ne lule te rinise, ul koken dhe hesht. Postimi juaj po qarkullon me shpejtesine e eres ne FB si i nje njeriu te paskrupullt. Keni ndergjegje ju, apo shfryni helm e duf per ndonje inat personal? Vetem nese ju ka vrare femijen, mund ta justifikoj nje shkrim te tille. Eshte dhimbja me e madhe. Permbajuni etikave baze njerezore.Turp!”
Znj. Kaloçi duket se është mjaft aktive në shtypin e ditës, me komente e artikuj në gazetat e majta mbi politikën, zhvillimin dhe problemet e vendit. Ajo ftohet herë pas here edhe në studio televizive ku diskuton edhe si psikologe, përveç të tjerash.
