Banorë të 16 fshatrave të Myzeqesë protestuan për një sërë problemesh që nga mos shitja e prodhimit e deri tek kushtet sociale.
Në kryqëzimin e rrugës nacionale Lushnje-Berat, protestuesit treguan se si u shkon dëm prodhimi. Për banorët e Fier Sheganit, bujqësia është halli kryesor. Një pjesë e tyre kanë hedhur në mënyrë demostrative lakrën në mes të rrugës, pasi po e shesin nën kosto.
Banorët kërkojnë një jetë me dinjitet pasi taksat i paguajnë ndërkohë që shërbimet, për të pasur rrugë, kanale vaditës dhe kujdes shëndetësor, nuk i marrin nga shteti.
Problem për këtë banor të Urës Vajguore është çështja e mbeturinave.
Një tjetër protestë është lajmëruar javën e ardhshme nga prodhuesit e Myzeqesë, kundër kritereve të skemave subvencionale, pasi pjesa më e madhe e tyre janë skualifikuar pas aplikimit.
Në protestë morën pjesë dhe deputetë të Partise Demokratike.
