Gjatë një kontrolli në shtëpinë e tij vitin e kaluar u gjetën 300 milionë lekë cash, një sasi parash të pajustifikuara që e përballën gjykatësin shqiptar me akuzën e korrupsionit.
Por historia për gjykatësin Shkëlqim Miri nuk mbaroi me kaq, pasi nuk do të ishin të pakta herët që ai do të kërkonte arrestin në shtëpi, pasi pretendonte se vuante nga një sëmundje e pashërueshme. Pavarësisht kërkesës, gjykata qëndroi strikte.
Muaj kanë kaluar tashmë dhe më në fund Gjykata e Krimeve të Rënda ka përfunduar hetimet dhe pritet të japë së shpejti vendimin për Shkëlqim Mirin, i arrestuar më 10 nëntor të 2017-tës.
Akuza mbetet ajo e korrupsionit nga një zyrtar i lartë, e adresuar nga prokuroria e krimeve të rënda. Pritet tashmë pretenca e gjykatës e cila me shumë gjasa do të dënojë gjykatësin.
Vetë Miri e ka justifikuar sasinë e parave duke u shprehur në kohën e gjyqit se lekët (30 mijë euro) i kishte marrë borxh për ndërhyrje e operacione për shkak të sëmundjes nga e cila vuan./Gazeta Express
