Botërori i Formula 1 nuk ka nisur ashtu siç kishte ëndërruar Lewis Hamilton, që pas tre garave nuk ka arritur të presë i pari finishin.
Por ky fakt nuk e tremb aspak pilotin britanik, madje, kampioni në fuqi i botës është i vendosur për të arritur objektivin e tij, titullin e pestë në Formula 1.
“Pavarësisht se deri më tani ende nuk kemi arritur të fitojmë asnjë prej garave, ky fakt nuk më ka demoralizuar, përkundrazi sepse ky është vetëm fillimi. Unë nuk dorëzohem lehtë, pasi kanë kaluar vetëm 3 gara dhe në ato që do të pasohen gjithçka mund të ndodhë. Falë punës tonë, por ndoshta edhe me pak fat do të rikthehemi sërish të fortë dhe kryesues”.-tha Hamilton.
Hamilton shpreson të arrijë podiumin në garën e ardhshme, atë të Azerbajxhanit që do zhvillohet më 29 prill.
