Kryeministri Edi Rama ka deklaruar pasditen e sotme se Shqipëria e meriton hapjen e negociatave me BE. Por interesante ka qenë përgjigjia që ka dhënë për një “paqe të madhe” që do bënte bashkë Ramën dhe Bashën në një tur europian ku të dy do kërkonin qeverive të vendeve anëtare të BE-së që të hapeshin negociatat që Shqipëria të jetë kandidat për në Bashkimin Europian.
I pyetur nëse do të ishte i gatshëm që për çeljen e negociatave me BE-në, të ndërmerrte një tur vizitash në kancelaritë kryesore europiane së bashku me kreun e PD-së Lulzim Basha, kryeministri Rama u përgjigj:
“Ju e dini që unë nuk flas asnjëherë për opozitën në gjuhë të huaj. Kështu që përgjigja ime është shumë e shkurtër, pasi nuk ka nevojë për përgjigje. Patjetër që do të ishte shumë e vlefshme nëse ajo do të ndodhte”.
