Nga Boldnews.al
Policia Bashkiake e Tiranës me urdhër nga lart ka nisur një sulm masiv kundër njerëzve të varfër që shesin në rrugë. Nuk bëhet fjalë më vetëm për këshillime apo gjoba të vogla, por dhunë fizike dhe psikologjike, në mes të rrugës, në mes të ditës, pa u shqetësuar nga askush. Preja e tyre e preferuar janë shitësit ambulantë, ku përveçse u sekustrojnë mallin, shpesh bien nën dhunën e policisë bashkiake të kryeqytetit.
Akoma më e rëndë është ajo çfarë diskutohet në ambientet e Policisë Bashkiake të Tiranës. Është krijuar një “sektor” i veçantë që konsiderohet si “grupi i gatshëm” i Policisë Bashkiake të Tiranës, që vepron dhunshëm, sa herë thirret në detyrë. Rasti i dhunës së ushtruar një javë më parë ndaj të riut Neki Bajraktari baba i dy fëmijëve është më flagranti. Tre efektivë të policisë bashkiake e marrin peng dhunshëm vetëm pse shiste paketa në rrugë duke e futur poshtë shkallëve të një pallati dhe ushtrojnë dhunë çnjerëzore. Por nuk është i vetmi. Dhjetëra qytetarë dhunohen çdo ditë, vetëm me motivin që shesin në rrugë.
Për të frikësuar çdo njeri të varfër që mundohet të shesë buzë trotuareve që të sigurojë pak të ardhura për të mbajtur familjen, është krijuar një strukturë e posaçme e ngjashme me “Gestapon” naziste, apo “Këmishë zinjtë” fashist. Janë individë me uniformë që marrin urdhra gojor dhe nisen për të ushtruar dhunë mbi shitësit ambulantë. Fillimisht dalin disa efektivë të policisë bashkiake në këmbë kryesisht në zonat afër tregjeve dhe evidentojnë shitësit e vegjël në rrugë. Më pas thirren për përforëcim disa efektivë të fortë fizikisht dhe me vete marrin furgonin apo fuoristradë për të sekustruar mallin. Nuk mjafton vetëm bllokimi mallit, por në shumë raste i ndjekin nga pas shitësit, duke i dhunuar kryesisht në hyrje të pallatëve dhe kërcënuar se nëse do të denocojnë atëherë do e pësojnë edhe më keq. Pasi i dhunojnë i marrin identitetin duke ua shënuar në blloqe dhe u bëjnë presion që të heshtin përgjithnjë.
Në rastet kur tregtarët ambulantë kanë shkuar në prokurori për të denocuar dhunën, efektivët e policisë bashkiake mbërrijnë po aty në të njëjtën kohë ku bëjnë kundër-denocim me preteksin se janë shunuar apo fyer për shkak të detyrës. Në këtë mënyrë qytetarët nga akuzues kthehen në të akuzuar dhe prokuroria në shumë raste mban anën e policisë bashkiake.
