Prince është filmuar i zbehtë, i pikëlluar dhe i mbyllur në vetvete ndërsa hynte në zyrën e mjekut të tij vetëm 24 orë përpara vdekjes.
Ylli i popit është kapur nga kamerat e sigurisë duke ecur përgjatë një korridori me asistentin e tij Kirk Johnson dhe mjekun e tij Michael Todd Schulenberg gjatë betejës së tij me drogën.
Ai shkoi për të bërë një kontroll mjekësor tek mjeku më 20 prill ndërsa një ditë më vonë, më 21 prill pësoi një mbidozë fatale të drogës.
Trupi i 57-vjeçarit u gjet pranë ashensorit në banesën e tij Paisley Park në Minesota.
Pamjet u publikua të enjten së bashku me një sërë videosh, dokumenatash, fotosh nga hetimi duke përfshirë edhe pamje të nga brenda shtëpisë së tij vetëm pak momente pasi ndërroi jetë.
Ata u bënë publike vetëm disa orë pasi Prokurori i County Carver, Mark Metz tha se askush nuk do të përballej me akuza penale për vdekjen e muzikantit.
Metz konfirmoi se Princ vdiq nga një overdozë fentaline, por tha se askush nuk mund të fajësohej.
Ai shtoi se hetuesit nuk e zbuluan dot se kush po i jepte Prince pilula të falsifikuara Vicodin, që ishin mbushur me fentanil e që i dhanë fund jetës së tij.
Metz tha se asnjë prokuror nuk kishte mundur të përcaktonte se kush i furnizonte tabletat fentanil, fshehur nën emrin e markës Vicodin, që shkaktuan mbidozën e yllit. Gjithashtu nuk arritën ta provonin nëse Prince apo asistenti i tij e dinin se pilulat ishin të falsifikuara apo nëse dikush kishte komplotuar për ta vrarë.
Princi ishte 57 vjeç kur u gjet i vetëm dhe dhe i vdekur në një ashensor në kompleksin e tij të studios Paisley Park më 21 prill 2016.
Vdekja e tij solli pikëllim ndërkombëtar dhe nxiti një hetim të përbashkët nga County Carver dhe nga autoritetet federale.
Një autopsi zbuloi se ai vdiq nga një mbidozë aksidentale e fentanilit, një opioid sintetik 50 herë më i fuqishëm se heroina.
Metz tha se disa pilula u gjetën në kompleksin e Parkut Paisley pasi Princi vdiq. Disa prej këtyre tabletave më vonë u përcaktuan si të falsifikuara dhe autoritetet shtetërore dhe federale po hetojnë burimin e fentanilit për gati dy vjet.
Imazhet e marra brenda shtëpisë së tij luksoze treguan betejën e Prince me drogën, me tableta të shpërndara e të gjetura në të gjithë pasurinë e tij shumë milionë dollarëshe.
