Presidenti i Turqisë, Reccep Tayip Erdogan, ka folur me tone të ashpra rreth derbit të ndërprerë ndërmjet Fenerbahçes dhe Besiktasit në “Sukru Saracoglu”.
Dueli i dy ekipeve të famshme të Stambollit u ndërpre pasi tifozët sulmuan trajnerin e Besiktasit, Senol Gunes, duke i shkaktuar atij dëmtime serioze në kokë.
Incidenti, si edhe shumë zhvillime në Turqi kohëve të fundit, mori edhe konotacione politike, pikërisht në kohën kur Erdogan, para pak ditësh, shpalli edhe zgjedhjet e jashtëzakonshme.
Lidhur me derbin e ndërprerë Erdogan pohoi: “Këtu ka një sherr, dikush e ka organizuar këtë terror, kjo nuk është e rastësishme. Kjo nuk mund ti falet Tolgas (portierit të Besiktasit Tolga Zengin) dhe Seolit (Senol Gunes – trajnerit të Besiktasit). Të shohim se si do të veprojë Federata e Futbollit, por ne kemi edhe Ministri të Sportit edhe Qeveri. Ky incident është provokim dhe ne nuk do të lejojmë që të kalojë pa u dënuar”.
