Shefja e Politikës së Jashtme të Bashkimit Europian, Federica Mogherini u vu në vështirësi pas pyetjes së gazetares së Financial Times, se si do të bindin ata Këshillin në një kohë kur Shqipëria ka nivel të lartë korrupsioni dhe krimi të organizuar.
Fjala është për dy vendet kryesore të unionit, Francës dhe Gjermanisë, të cilat janë skeptike për përparimin e Shqipërisë.
Por shefja e Politikës së Jashtme tha se kjo ishte një mënyrë e mirë për vlerësuar punën e një vendi.
Federica Mogherini: Së pari, nuk ka vende të vogla e të mëdha anëtare. Së dyti nuk i takon Komisionit që të bindë Këshillin e Europës. Ka një mënyrë bashkëpunimi, por mbështetet në autonomi në vendime dhe mendime. Por siç tha Hahn, unë mendoj se dokumenti që kemi miratuar sot tregon qartësisht situatën, siç ka qenë dhe si është dhe rezultatet e arritura. Unë nuk dua të hyj në hollësi, dhe do t’i ruaj komunikimet me shtypin lokal. Vendimi që morëm sot të hapë negociatat me Shqipërinë dhe Maqedoninë, bazohet në vlerësime mjaft të rrepta dhe rigoroze. Hapja e negociatave është një inkurajim për këto vende që të vijojnë reformat. Ruajtja dhe thellimi i këtyre reformave do të jetë themelore. Megjithatë i takon të 28 vendeve anëtare të vendosin. Por mesazhi inkurajues për Tiranën dhe Shkupin ka ardhur tashmë.
Johannes Hahn: Ky është një rekomandim. Natyrisht që jemi këtu për të dhënë informacione shtesë, për të ndihmuar për marrjen e një opinioni. Po ashtu është me rëndësi që ne të punojmë me shtetet tona anëtare për të ju shpjeguar qytetarëve tanë përfitimet të një integrimi të vendeve të Ballkanit Perëndimor. Duhet t’u shpjegojmë. Sondazhet tregojnë se shumica e këtyre qytetarëve janë kundër, por ka një rritje të optimizmit për zgjerimin e BE-së me Ballkanin Perëndimor. Pra, ka një ndërgjegjësim më të madh. Mendoj se ky është një rezultat i vetëm, por mjaft premtues.
