Sytë e të gjithë tifozëve italianë do të jenë sot të drejtuar te ndeshja mes Milanit dhe Napolit, ku dy skuadrat do të luajnë për objektiva të ndryshme.
Napoli vazhdon të shpresojë pët të siguruar titullin kempaion edhe pse diferenca me Juventusin është katër pikë, ndërsa Milani shpreson për Champions-in dhe pikët e plota në takimin e sotëm janë alternativa e vetme.
Gattuso dhe Sarri do të hedhin në fushë lojtarët më të mirë që kanë në dispozicion dhe do të luajnë me skemë të njëjtë. 4-3-3 është rreshtimi i të dyjave skuadrave sipas mediave italiane që theksojnë se kjo ndeshje është vendimtar për të dyja skuadrat.
Me një rreshtim të tillë, puna për mbrojtësin e Kombëtares Shqiptare, Elseid Hysaj nuk do të jetë aspak e lehtë, pasi përveçse do të ketë detyrë të thyejë aksionet e kuqezinjve në krah, ai duhet që të japë kontributin e tij edhe në fazën sulmuese.
Dy trajnerët kanë folur për vështirësinë e këtij takimi, madje Gattuso ka bërë me dije se pret një ndeshje të madhe nga skuadra e tij që të mos e diskutojë fitoren.
Ndërsa Sarri ka preferuar të mos japë shumë shpjegime në lidhje me ndeshjen, por ka punuar më shumë me mbrojtjen, që të mos i lërë hapësira sulmuesve dhe mesfushorëve kundërshtarë të afrohen në zonën e Napolit.
Sipas analistëve në mediat italiane, në fushë do të shihen dy skuadra te vendosura mirë taktikisht dhe do të fitojë ajo që gabon më pak.
Milan (4-3-3): Donnarumma; Calabria, Zapata, Musaçhio, Rodriguez; Kessie, Biglia, Bonaventura; Suso, Calhanoglu, Kalinic. (Të gatshëm: Storari, A. Donnarumma, Abate, Gomez, Gabbia, Antonelli, Locatelli, Montolivo, Mauri, Borini, Cutrone, Silva. Trajner: Rino Gattuso.
Napoli (4-3-3): Reina; Maggio, Koulibaly, Albiol, Hysaj; Allan, Jorginho, Hamsik; Callejon, Mertens, Insigne. (Të gatshëm: Sepe, Rafael, Milic, Tonelli, Chiriches, Diaëara, Rog, Zielinski, Ounas, Machach, Milik. Trajner: Maurizio Sarri.
