Lajme të reja nga merkatoja e trajnerëve. Sipas medieve spanjolle, Arsenali është në “pole position” për të emëruar në krye të skuadrës ish-trajnerin e Barcelonës, Luis Enrique.
Ekzaktësisht është “Mundo Deportivo” ajo që raporton se gjetje e akordit të Thomas Tuchel për të drejtuar sezonin e ardhshëm Paris Saint-Germain, ka shtyrë që klubi londinez të hedhë sytë nga Enrique, i cili më parë ka trajnuar edhe Romën me Celta Vigo, por tashmë është favorit për këtë rol në “Emirates”.
Te “Topçinjtë” po shpresonin që të firmosnin me gjermanin Tuchel, por ky i fundi duket se ka preferuar Parisin si destinacion e tij të ardhshëm.
Nga ana tjetër, Arsene Wenger pritet të largohet nga Londra në fund të këtij sezoni, pas më shumë se 2 dekadash pa fitimin e trofeve prestigjiozë në klub.
Drejtori ri Sportiv i Arsenalit, Raul Sanllehi mendohet të jetë çelësi i transferimit të 47-vjeçarit, i cili gjithashtu është përfolur për një transferim të mundshëm te Chelsea, për të pasuar Antonio Conte.
“Diario Sport” shkrujti në fillim të muajit një artikull se pavendosmëria dhe mungesa e përkushtimit detyroi klubin londinez të shikonte për të tjera alternativa.
Lajmi shkruante gjithashtu se edhe Maurizio Sarri ishte një alternativë, por italiani nuk e mendon largimin nga Napoli.
Gjithashtu Enrique mësohet se ka refuzuar në dhjetorin e kaluar edhe ofertën për të pasuar trajnerin Eduardo Berizzo te Argjentina, sepse nuk dëshironte ta merrte projektin në mes të sezonit.
Në fakt Luis Enrique është një teknik i lirë që pas largimit të tij nga Barcelona në vitin 2017. 47-vjeçari është në pritje të ofertës së duhur dhe një projekti të madh, për të nderuar një skuadër triumfuese.
