Një 28 vjeçar është ekzekutuar me armë zjarri mbrëmjen e kësaj të marte në Tiranë. Viktimë nga mbetur Marjo Majollari, 28 vjeç, i cili u qëllua për vdekje nga persona ende të paidentifikuar në zonën e Kinostudios.
Ngjarja ndodhi pranë një karburanti, teksa sipas të dëshmitarëve të vendit të ngjarjes, autorët janë larguar menjëherë pas krimit të rëndë.
Në vendin e ngjarjes kanë mbërritur forca të shumta policie, të cilat kanë rrethuar zonën, dhe kanë ngritur pika ndalimi në të gjithë kryeqytetin.
(Marjo Majollari, i riu që u ekzekutua në zonën e Kinostudios)
Burime nga policia, bëjnë me dije për “Gazetën Shqiptare”, se dyshohet që ekzekutimi të ketë ardhur për motive hakmarrje.
Kjo pasi babai i tij, Avni Majollari, rezulton një person i dënuar me burgim të përjetshëm për vrasjen e dy personave.
Avni Majollari, në atë kohë 52 vjeç, u arrestua në vitin 2014, si një nga personat e rrezikmshëri të lartë, që ishte shpallur në kërkim prej vitesh nga policia.
Majollari, është shpallur fajtor si autori i vrasjes Armando Nelajt dhe Ilir Gjuzit, ngjarje e ndodhur pas një konflikti mes tyre në aksin rrugor Tiranë-Dajt në vitin 2000.
Për këtë arsye, Gjykata e Tiranës e dënoi me burgim të përjetshëm për veprën penale të vrasjes me paramendim, kjo e kryer në bashkëpunim.
(Marjo Majollari, i riu që u ekzekutua në zonën e Kinostudios)
Kjo është aktualisht edhe pista kryesore ku po heton policia, çka dyshohet se i ka marrë jetën për hakmarrje të riut në kryeqytet.
(Avni Majollari, babai i të riut Marjo Majollari që u ekzekutua në zonën e Kinostudios)
