Vendosja e tatimit mbi vlerën e shtuar tek biznesi i vogël ka sjellë reagimin në formë proteste të dhjetëra e qindra bizneseve në qytete të ndryshme të vendit.
Këtë radhë kanë qenë tregtarët dhe biznesi i vogël në Durrës që kanë ulur qepenat dhe ku në shenjë proteste, kundërshtojnë përfshirjen në skemën e TVSH-së.
Biznesi i vogël është kundër vendimit të qeverisë, që ka hyrë në fuqi që nga 1 Janari i këtij viti. Kujtojmë, se në protestën e së enjtes të opozitës, në formën e mosbindjes civile, është kërkuar heqja e taksës në rrugën e Kombit, dhe pikërisht TVSH mbi biznesin e vogël
