Mosbindje civile e popullit dhe jo opozitës. Kështu e cilësoi aksionin e sotëm deputeti demokrat Ervin Salianji.
Nga kryqëzimi i Bradasheshit në Elbasan, Salianji tha se opozita është në mbështetje të qytetarëve si garant që policia e shtetit të mos ngrejë dorë mbi ta.
“Është mosbindje civile e qytetarëve shqiptarë. Jemi këtu vetëm që policia e shtetit apo shteti që po dhunon të drejtat e qytetarëve të mos guxojë të ngrejë dorën ndaj qytytetarëve që protestojnë në të drejtën e tyre për taksat. Nuk është protestë apo mosbindje civile e PD.
Kemi kërkuar që qytetarët të refuzojnë taksimin abuziv të qeverisë apo dhe tarifikimin e Rrugës së Kombit.Nga 1 prilli qytetarët do të paguajnë në mënyrë të padrejtë taksën e pronës, po ashtu faturën e energjisë e paguajnë më shtrenjtë, çmimi i uji, TVSH për biznesin e vogël, taksa e qarkullimit më shtrenjtë se kudo. Kjo është situata e taksimit në çdo lloj niveli.”
