Eurodeputeti Knut Fleckenstein në një konferencë për mediat, foli dhe për lidhje me raportin e Judicial Watch, ku përfshihet Ambasadori i SHBA-së në Tiranë, Donald Lu.
Agjencia konservatore amerikane, Judicial Watch e ka nisur prej kohësh betejën e saj për të siguruar dokumente rreth reformës në drejtësi në Shqipëri dhe së fundmi ka nxjerrë edhe raportin përfundimtar prej 30 faqesh.
Tashmë është zyrtare se nga dokumentet e siguruara prej JW me paratë e taksapaguesve janë sponsorizuar interesa të aktivistëve të majtë pro-qeveritarë në Shqipëri.
I pyetur nga SYRI.net nëse ka pasur dijeni për këtë raport, eurodeputeti Knut Fleckenstein është shprehur se ‘Po, kam dëgjuar për këtë raport’.
Një nga pistat e hetimit që organizata Judicial Watch i sugjeron Departamentin Amerikan të Shtetit është ajo e lidhjeve të ngushta të ambasadorit të SHBA në Tiranë Donald Lu dhe të aktivitetit të tij në mbështetje të Ramës dhe veçanërisht që Rama të vendosë nën kontroll sistemin e drejtësisë.
Por ajo që mund të konsiderohet shumë e rëndë, është konkluzioni se “Ambasadori i SHBA në Shqipëri, Donald Lu, i emëruar nga administrata e Obamës, ka qenë i lidhur ngushtë me Sorosin dhe qeverinë socialiste në Shqipëri.
Në maj 2017, Lu ka dhënë kontributin e tij për të minuar planet e partive opozitare shqiptare për të protestuar ndaj zgjedhjeve të ardhshme parlamentare duke deklaruar se SHBA do të pranonin rezultatet e zgjedhjeve edhe në qoftë se partitë e opozitës refuzonin të merrnin pjesë”.
Kjo ndoshta është akuza më e fortë që i bëhet ambasadorit Lu dhe që do të hetohet nga DASH.