Qeveria tërhiqet nga taksa në “Rrugën e Kombit”. Jo plotësisht por deri në arritjen e gjetjes së një zgjidhjeje për banorët e zonës.
Kryeministri Edi Rama gjatë një fjalimi në Kuvend tha se nuk do të ketë pagesa deri pa dhënë zgjidhjen më të mirë të mundshme për banorët e zonës.
“Ne nuk do fillojmë sistemin e pagesës pa dhënë zgjidhjen më të mirë të mundshme për ata. Është një punë e vështirë pasi, në këtë proces kemi përfshirë dhe ekspertë të huaj. Është një punë e vështirë të parashikohet një gjë përpara duke mos pasur në dorë rezultatet e 6 mujorit. Por ne ja detyrojmë këtë gjithë njerëzit e asaj zone. Do të arrijmë ta lehtësojmë barrën e tyre në mënyrë të ndjeshme dhe ta bëjë të funksionojë sistemi”, deklaroi Rama.
