Këngëtari i famshëm Jay Z, i ftuar në emisionin e David Letterman rrëfeu historinë emocionuese kur e ëma, Gloria Carter i tregoi vitin e shkuar se ishte lesbike. Jay Z ka treguar se ai e ka ditur që e ëma ishte lesbike, por asnjëherë më parë nuk kishte folur me nënën e tij për këtë gjë.
“Për një kohë të gjatë nënës time i është dashur të jetojë si dikush që nuk ishte, në mënyrë që mos të vendoste në siklet fëmijët e saj. Nuk ishte e lehtë për të që të ulej përballë meje dhe të më thoshte: “mendoj se dua dikë”. Qava, qava pasi isha i lumtur për të, që ajo ishte e lirë”, -ka rrëfyer këngëtari.
Këtë eksperiencë Jay Z e ktheu në një këngë, që është kënga “Smile” me zërin nënës së tij pjesë të këngës, ku ai tregon momentin kur e ëma ndau me të këtë sekret.