Faqja ‘Lolita’ ka qenë një ndër ata që iu bashkua fushatës për të bojkotuar ‘Kastratin’. Por pas pjesëmarrjes së ‘Lolitës” në këtë fushatë ka filluar të ‘marrë masat’ edhe vetë kompania ‘Kastrati’ ndaj kësaj faqeje.
Ashtu siç shihet edhe në fotot e mëposhtme që ka publikuar vetë ‘Lolita’ drejtorët e kësaj kësaj kompanie urdhërojnë punonjësit që t’i bëjnë report faqes së Lolitës në ‘Facebook’.
“Para pak ditësh ju bashkova fushatës për të bojkotuar Kastratin. Dje ata ju kanë dhënë urdhër punonjësve të raportojnë faqen. Nuk kanë asnjë ndryshim nga Edi Rama dhe këta!”, shkruan ‘Lolita’ teksa publikon edhe fotot me e-mail-et e dërguara.
Si po hakërrehet ‘Kastrati’ ndaj faqes Lolita?
Mënyra që kanë zgjedhur janë e-mail-et.
Musa Kastrati është një nga drejtorët e kësaj kompanie i cili, iu dërgon e-mail punonjësve të tij t’i bëjnë report ‘Lolitës”.
Ai i ka dërguar e-mail Elsi Kecos, një nga punonjësve të kësaj kompanisë ‘Kastrati hotel and Tower’ dhe i dërgon dy linqe që t’i bëjë report.
“Ju lutem kush të ketë mundësi t’u bëjë report dy faqeve në Facebook në linqet e mëposhtme. Faleminderit”, shkruan ai në teksin e e-mail-it që iu dërgon punonjësve.
