Protestat të cilat vazhdojnë prej disa ditësh për heqjen e taksës së “Rrugës së Kombit” dhe lirimin e qytetarëve të ndaluar, kanë ngjallur frikë te kryeministri Edi Rama.
Vetëm në pak kohë Rama ka bërë një sërë reagimesh në lidhje me protestën, ku nuk kanë mungur fryerjet ndaj qytetarëve duke i quajtur “vandalë” se protestuan për të drejtën e tyre.
Ditën e sotme Rama, përmes një postimi në “Facebook” ka bërë një tjetër reagim në lidhje me protetestën e Kukësit. Ai akuzon opozitën se po përpiqet të nxisi kukësianët të dalin në protestë dhe ata po përdoren si “shishe benzene”.
Postimi i plotë
Kur ishin në qeveri e bënë tenderin e pagesës së rrugës 8-9 EU! Dështuan. Tani i vunë zjarrin “patriotik” e duan ta përdorin Kukësin si shishe benzine për të djegur rrugën europiane të Shqipërisë! Mjerë kush u beson rrugëhumburve pa atdhe që duan zjarr e kaos për t’i ikur drejtësisë!
Kujtojmë, që ditën e sotme priten që para Gjykatës të dalin 23 të arrestuarit në protestën e “Rrugës së Kombit”, gjithashtu mësohet se protestat do të vazhdojnë derisa Rama të tërhiqet nga vendimii tij dhe të lirojë qytetarët e ndaluar.