Në Spanjën rurale, rreth 1000 metra mbi nivelin e detit, ndodhet një aeroport i cili mban me qindra avionë të cilët shkojnë për “gjumin letargjik”.
Nuk është një varrezë , por pika industriale më e madhe në Europë për aviona dhe motorrë reaktor.
E vendosur jashtë qytetit të Teruelit, më i vogli ndër qytetet e provincës spanjolle, ky nuk është një aeroport tipik apo një destinacion turistik.
Aeroporti u ndërtua me qëllimin e strehimit të avionëve nga e gjithë bota që janë jashtë shërbimit, qoftë përkohësisht ose përgjithmonë. Gjithashtu shërben dhe si një ndalesë ku mund të riparohen.
Disa avionë që e kanë kaluar kohën e tyre mund të riciklohen, por shumë aeroplanë të rinj, të përkryer ruhen deri në momentin që kompania i kërkon.
Drejtori i aeroportit, Alejandro Ibrahim thotë se është gjithashtu shtëpia e një sërë aktivitetesh të tjera të lidhura me aviacionin.
” Ne tashmë kemi mirëpritur një kompani që teston motorët me raketa”, thotë ai.
” Kemi qenë aktive në fushën e kërkimeve të droneve dhe së shpejti do të kemi edhe një qendër trajnimi për pilotët”.
