Një ditë pas protestave të dhunshme në Rrugën e Kombit, ku protestuesit u përplasën me policinë, deputetët e opozitës kanë udhëtuar drejt Kukësit për t’u takuar me banorët e Kukësit.
Ata kanë protestuar kundër tarifës së vendosur nga qeveria për kalimin në Rrugën e Kombit, por fill pas kësaj kanë nisur arrestimet.
Nisur nga situata e krijuar, një grup deputetësh nga Partia Demokratike dhe Lëvizja Socialiste për Integrim kanë nisur paraditen e sotme takiem me banorët e Kukësit.
më shumë se 10 deputetë dhe përfaqësues të opozitës kanë shkuar në monitorojnë situatën më nga afër në Kukës pas arrestimeve të bërë nga polica gjatë mesnatës së djeshme.
Gazetarja Elda Menga raporton se deputetët e PD që kanë udhëtuar drejt Kukësit janë, Edmond Spaho, Flamur Noka, Arben Ristani, Enkelejd Alibeaj, Albana Vokshi, Izmira Ulqinaku, Orjola Pampuri, Ervin Salianji, Myslym Murrizi, Isuf Cela, Aldo Bumçi, Xhemal Gjunkshi.
Ndërsa nga LSI janë deputetët e LSI, Endrit braimllari, Përparim spahiu, Floida Kërpaçi, Nora Malaj.
Mësohet se deputetët e opozitës kanë zhvilluar takime me banorët dhe anëtarët e Këshillit Bashkiak në Kukës.
