Familjarët e të arrestuarve në Kukës janë mbledhur para komisariatit të këtij qyteti, ndërsa kërkojnë lirimin e tyre.
Në një prononcim për News 24, banorët kanë pohuar se janë dhunuar nga policia dje dhe se protesta e tyre është për arsye ekonomike dhe nuk ka lidhje politike.
Tre prej banorëve, të cilët u prononcuan bënë të ditur se policia ka terrorizuar të gjithë familjarët gjatë mesnatës, ku edhe kanë marrë dhe shoqëruar në komisariat disa prej tyre.
“Dje policia më qëlloi me gur, janë të filmuara pamjet. Kanë qenë policë civilë dhe me uniformë. Unë kërkova ndihmë dhe kam qëndruar i gjakosur për një orë”, – u shpreh njëri prej protestuesve të djeshëm.
Arrestimet
Policia ka arrestuar disa persona në mesnatë, pas protestave të djeshme, ku disa qindra protestues dogjën dhe shkatërruan pikat e kalimit të Rrugës së Kombit në Kalimash.
Sipas familjarëve, raportohet se policia ka mbërritur në orën 3:00 të mesnatës dhe ka bërë arrestimet. “Policia erdhi në orën 03:00 në banesa. Nuk e dimë ku i kanë dërguar të afërmit tanë”.
Policia ende nuk ka dhënë një njoftim zyrtar sa i përket shoqërimit të këtyre personave.
Ndërkohë që familjarë të arrestuarve janë mbledhur para policisë së Kukësit
