Atletico Madrid po planifikon një goditje të guximshme për yllin e Juventusit, Paulo Dybala, nëse Antoine Griezmann largohet drejt Barcelonës ose Manchester United në merkaton e verës.
Griezmann është duke u lidhur shumë me një largim nga Atletico në fund të sezonit, pas katër vitesh në Madrid.
Sulmuesi francez verën e kaluar pothuajse nënshkroi për Manchester United, por marrëveshja nuk u realizua për shkak se Atletico kishte të bllokuar merkaton në hyrje nga UEFA.
Barcelona tani është e interesuar për sulmuesin dhe mediat në Spanjë shkruajnë, se ai më në fund do të largohet nga Atletico.
Sipas “Marca”, nëse Griezmann largohet nga klubi spanjoll këtë merkato, dëshira e drejtuesve të Atletico është, që Paolo Dybala të jetë zëvendësuesi i tij.
Argjentinasi ka shkëlqyer për Juventus këtë sezon dhe ka qenë një nga lojtarët më të mirë të kampionëve të Italisë.
Gjithsesi drejtuesit e “Zonjës së Vjetër” nuk do të jenë të gatshëm për ta lënë sulmuesin të largohet pavarësisht ofertës që mund të vijë, por Atletico është i gatshëm të përdori të gjitha paratë e fituara nga shitja e Griezmann për të arritur një marrëveshje me argjentinasin.
Këtë javë Dybala është parë në Madrid, por pavarësisht spekulimeve deri tani nuk ka asnjë marrëveshje mes palëve.
