Të paktën 60 persona pjesë e tre grupeve rivale në Duisburg kanë mbetur të lënduar nga përleshja me thika mesnatën e mbrëmshme.
Policia është lajmëruar se në zonën e Altmarkt raportohet për një sherr masiv. Zyrtarët policorë kanë përdorur gaz lotsjellës për të kontrolluar njerëzit e revoltuar të cilët po godi teshin me shufra hekuri dhe thika.
Rreth 50 njerëz janë arrestuar pasi janë publikuar disa foto në të cilën shihet dhuna brutale, shkruan Welt.de.
Të arrestuarit kanë refuzuar të tregojnë shkakun e rrahjes.
Ndërsa, një zyrtar i policisë tha se: “Janë tre grupe rivale. Mund të jetë një konflikt ndërmjet, turqve, libanezëve dhe kurdëve”.
“Policia e ka marrë nën kontroll situatën para eskalimit të dhunës”, shtoi ai.
Zëdhënësi i policisë tha se incidente të ngjashme kanë ndodhur javën e kaluar. Policia po shqyrton nëse ekziston një lidhje.
