Këshilli Bashkiak, grupi i LSI braktis votimet

Gjashtë mandate të këshilltarëve të LSI kanë dalë të pavlefshëm pas një proçesi gjygjësor zhvilluar në gjykatë, e për këtë arsye, Eltjon Halimi, kreu i grupit te keshilltareve te LSI ne Bashkine e Tiranes, ka bere me dije vendimin se këto 6 mandate të mos jenë të pranishme në mbledhjet e këshillit deri në përfundim të plotë të shkallëve gjygjësore.

 

REAGIMI I PLOTË

 

Deklaratë për Median!

Sot në mbledhjen e Këshillit Bashkiak, nisur nga situata e pandodhur më parë, ku 6 mandate pas një proçesi gjygjësor janë të pavlefshme, grupi i këshilltarëve të LSI, duke e vlerësuar me seriozitet këtë rast të pa precedent ligjor, kërkoi që: këto 6 mandate të mos jenë të pranishme në mbledhjet e këshillit deri në përfundim të plotë të shkallëve gjygjësore.

Kjo për të mos cënuar legjitimitetin e votimeve dhe korumit tē vendimeve të Këshillit.

Grupi i këshilltarëve të LSI në Bashkinë e Tiranës duke mos dashur të behet pjesë e kësaj situatë të mbledhjeve me mandate antiligjore, nuk do marë pjesë në votimet e vendimeve të Këshillit, duke përjashtuar vetëm vendimet në interes të qytetarëve dhe studentëve si: ndihma ekonomike, përkrahja sociale, bursat e studentëve, bonuset e qerasë dhe kredive të buta.

Grupi i LSI mbetet në pritje të zgjidhjes të këtij problemi që lidhet me besueshmërinë e mandateve si një kusht themelor për funksionimin e organeve kolegjiale, dhe shpreh vendosmërine e tij, që panvarsisht kësaj situate të mbeshtesë çdo vendimarje në dobi të interesit të ndihmës ekonomike të qytetarëve të Tiranës.

Kryetari Grupi të Këshilltarëve LSI

Prof. Asoc. Dr. Eltjon Halimi

PËRGJIGJU

Please enter your comment!
Please enter your name here