Një burrë në Britani të Madhe është konsideruar sikur ka rastin më të keq në botë të sëmundjes së gonorresë.
Ai kishte një partner të rregullt, por mori bakterin nga marrëdhënia seksuale që pati me një grua në Azinë juglindore.
Shëndeti Publik në Angli thotë se është hera e parë që infeksioni nuk mund të shërohet me antibiotikë.
Zyrtarët e shëndetësisë po kërkojnë çdo partner tjetër seksual që djali ka patur, identiteti i të cilit nuk është bërë publik, në një përpjekje për të shmangur përhapjen e infeksionit.
Ai e mori infeksionin në fillim të këtij viti.
Trajtimi kryesor i antibiotikëve, një kombinim i azithromycin dhe ceftriaxone, nuk ka arritur të trajtojë sëmundjen.
Dr Gëenda Hughes tha: “Kjo është hera e parë që një rast ka shfaqur rezistencë të tillë të nivelit të lartë për të dyja këto barna dhe për shumicën e antibiotikëve të përdorur zakonisht.”
Diskutimet me Organizatën Botërore të Shëndetësisë dhe Qendrat Evropiane për Kontrollin e Sëmundjeve bien dakord që ky është rasti i parë i tillë në botë.
