Një ndër këngëtaret më në zë kohët e fundit, Demi Lovato, po përpiqet të ecë përpara kohët e fundit. Në një postim në “Instagram” ajo ka publikuar një fotografi provokuese pasi shfaqet duke ngritur bluzën dhe duke treguar pjesën e poshtme të gjoksit. Këtë ajo e ka bërë më së shumti për të treguar se po i kalon komplekset që ka për trupin, teksa ka pasur çrregullime me ushqimin.
Sakaq, pak ditë më parë, Demi Lovato befasoi të gjithë adhuruesit e saj pasi pranoi se gjatë fëmijërisë së saj ka tentuar të kryejë vetëvrasje. Këngëtarja 25-vjeçare ka treguar hapur gjithashtu për luftën me shëndetin mendor, depresionin dhe çrregullimet me ngrënien. Demi tha më tej se mendimet e saj për vetëvrasje vinin nga trishtimi, vetmia dhe depresioni.
Ajo u shpreh se beson se një nga shkaqet e asaj çfarë ka përjetuar janë çështjet e pazgjidhura me babain e saj. Këngëtarja 25-vjeçare shpjegoi se i ati ndërroi jetë në vitin 2013 dhe vuante nga problemet mendore, duke mos qenë në gjendje të mbajë familjen. J.K
