Rusia është e indinjuar me Shqipërinë lidhur me dëbimin e dy diplomatëve në përgjigje të vendimit të SHBA-ve dhe NATO-s ndaj Moskës për akuzat e helmimit të ish-spiunit rus në Londër.
Është ambasadori rus në Tiranë, Aleksandër Karpushin që thotë për Neës24, se vendimi i qeverisë shqiptare, ka dëmtuar marrëdhëniet mes dy vendeve.
Shefi i diplomacisë ruse nuk e fsheh as indinjatën e Moskës për një vendim të tillë të Shqipërisë, siç thekson ai pa pasur asnjë provë konkrete.
Karpushin, nënvizon edhe bërjen publike të emrave të dy diplomatëve rusë të dëbuar, përkatësisht Vladislav Filipov, atasheh ushtarak, si dhe Alexey Nikolaevich Balashov, sekretar i parë i Ambasadës.
Sipas ambasadorit rus, një veprim i tillë jo vetëm nuk lejohet në marrëdhëniet diplomatike mes vendeve, por ka krijuar edhe një indinjatë të fortë.
“Dëbimi i diplomatëve nuk ka qenë i detyrueshëm për asnjë vend dhe as për Shqipërinë.
Për ne mbështetja këtë ose jo e këtij vendimi është një indikator i qasjes objektive dhe gjykimit të shëndoshë të një vendi, por edhe të sovranitetit real të këtyre vendeve.
Siç jeni në dijeni MPEJ në Shqipëri lëshoi një deklaratë në të cilën pa pasur asnjë provë e akuzoi Rusinë si një sulm kimik të zhvilluar kundër Britanisë, ndërsa tani pala Shqiptare dëbon dy diplomatët tanë, madje në kundërshtim me gjithë praktikën e gjithë pranuar ndërkombëtare.
MEPJ i ka bërë publike emrat e dy diplomatëve, një gjë e tillë është e pa lejueshme dhe na ka krijon një indinjatë të fortë. Shpjegojmë të dëgjojmë një shpjegim zyrtar të ministrisë”, tha ai.
