Një grua shtatzënë, e cila iu nënshtrua operacionit të kafkës në Italinë mesjetare, lindi pas vdekjes së saj, sipas një ekipi shkencëtarësh që shqyrtuan mbetjet e lashta.
Rasti është identifikuar nga hulumtuesit si lindja e arkivolit – një fenomen që ndodh kur një fetus i një gruaje shtatzënë të vdekur është nxjerrë brenda varrit.
I njohur si nxjerrje e fetusit postmortem, rasti i pazakontë ndodh pas ngritjes së presionit të gazit brenda trupit që nis të dekompozohet.
Studiuesit nga Universitetet e Ferrara dhe Bolonjës në Itali analizuan skeletin e gruas, zbuluar në vitin 2010 në qytetin e Imolës, Bolonjë. Mbetjet besohet se datojnë rreth viteve 600 deri në vitin 700 pas Krishtit.
Gruaja u gjet me eshtrat e një fetusi midis këmbëve të saj.
Bazuar në pozicionimin e foshnjës, hulumtuesit konkluduan se ishte një rast i “lindjes së arkivolit”.
Koka e fetusit dhe trupi i saj u gjet jashtë zgavrës së legenit të gruas, ndërsa këmbët e saj ishin brenda.
Shkencëtarët thonë se ajo ishte shtatzënë 38 javësh dhe bebja mund të jetë “çliruar pjesërisht” nga trupi.
