Rrezikohet jeta e drejtuesve të automjeteve në aksin Elbasan-Gjinar /Ja cfarë ka ndodhur

Rikthehet problematika në rrugën Elbasan-Gjinar.  Kështu në segmentin e Shelcanit ka pasur vështirësi në qarkullim.  Ndërkaq, një pjesë e konsiderueshme e segmentit rrugor është i rrezikshëm për përdoruesit e rrugës. Emergjencat Civile raportojnë se, për shkak të dëmtimit të trasesë së rrugës në këtë segment rrezikohet jeta e drejtuesve të automjeteve dhe pasagjerëve që qarkullojnë në këtë aks që lidh qytetin e Elbasanit me zonën e Gjinarit.Mësohet se është kërkuar që të ndalohet qarkullimi nga Shelcani drejt Gjinarit dhe të shfrytëzohet bay pass i ndërtuar, kur ndodhi dëmtimi i këtij segmenti rrugor nga rrëshqitjet. Rruga Elbasan-Gjinar është një nga rrugët e mbetura të papërfunduara, e nisur që në 2011, për të cilën disa javë më parë u bënë arrestime të shumta mes të cilëve edhe ish- drejtorë të rrugëve, administratorë të firmës ndërtuese dhe supervizori.