Gennaro Gattuso ka pushtuar Milanin për herë të dytë në karrierën e tij sportive, pasi ka qenë një pikë kyçe e mesfushës kuqezi, trajneri kalabrez në katër muajt e parë në krye të pankinës.
Ai ka vendosur që të bëjë ndryshimin e madh duke u krahasuar me trajnerët e shkuar, ish-shokët e skuadrës si Seedorf, Inzaghi dhe Brochi.
Aktualisht, Gattuso është kthyer në shpirtin e Milanit, me veshje të ndryshme por me të njëjtin shpirt që e ka karakterizuar në karrierën e tij të gjatë në mesfushë.
Me disa hapa të thjeshtë, Gattuso arriti që të bëjë atë që pak e kishin pritur: të rizgjonte Milanin duke e vendosur në rrugën për në Champions League.
Milani i Rino-s vrapon, tetë fitore në nëntë ndeshje në vitin 2018 dhe 5 pikë diferencë me vendin e katërt.
Ish-numri 8 i kuqezinjve e ka vendosur në rrugën e duhur Milanin duke i dhënë besim dhe duke vënë në punë të gjithë duke llogaritur dhe prurjet e verës që bëri Montella, i cili nuk arriti pritshmëritë me këta lojtarë.
Por, Gattuso duke i vendosur në pozicione të ndryshme lojtarë si Çalhanoglu, Biglia dhe Bonaventura, ka marrë maksimumin nga karakteristikat e tyre.
Duke bërë alternime, trajneri i lindur në vitin 1978 ka transmetuar idetë e tij futbollistike te skuadra, lojë intensive, proaktive dhe e kujdesshme në fazën mbrojtëse.
Grintë, shpirt dhe sens i përkatësisë ishin raportuar që në fillim të eksperiencës së tij nga trajneri i Milanit, karakteristika që janë thelbësore për punën e tij.
Megjithatë, Rino ka provuar se është një trajner i pjekur, i aftë për të menaxhuar një ekip të Serie A.
Ish-numri 8 i Milanit faktikisht, pa humbur kurrë intensitetin dhe përqendrimin në ndeshje, i ka dhënë një hapësirë të rëndësishme pjesës së pushimit, ku iu ka lënë 5 ditë leje lojtarëve për t’u shkëputur nga monotonia.
Menaxhimi i grupit, në aspektin e gjendjes dhe humorit, ka rezultuar vendimtar në rezultatet bindëse të marra deri më tani nga trajneri i Milanit.