Shqipëria është renditur e trembëdhjeta ndër 30 vendet Europiane për nga numri i të dënuarve në burgje.
Gjithashtu, vendi ynë mban flamurin e vendeve të para për mbipopulliimin e burgjeve.
Studimi i kryer për llogari të Këshillit të Europës ka të bëjë me llogaritjen e të burgosurve në burgjet e 30 vendeve europiane për 100 000 banorë, se sa ka shpenzuar shteti për çdo të burgosur në ditë, etj.
Studimi është kryer në vitet 2015-2016 dhe ka një qasje krahasuese për këto dy vite.
Sipas studimit në fjalë, numri i njerëzve që mbahen në institucionet penale nëpër Europë (duke mos përfshirë Rusinë) është rritur me 2.2% nga 2015 në 2016, referuar stdudimit të Universitetit të Lausanne-ës për Këshillin e Europës dhe publikuar në Euronews.
Organizata e të Drejtave të Njeriut, që mbledh të dhëna si pjesë e dy projekteve që kanë lidhje me njëri-tjetrin të njohur si SPACE I dhe II, ka zbuluar numrin e njerëzve të burgosur që është rritur nga 859,102 në 2016, që do të thotë 18,454 më shumë se një vit më parë.
